“Libu-libong mangingisda at magtatahong ang nawalan ng trabaho dahil sa proyektong reklamasyon ng San Miguel Corporation. Dagdag pa roon ang mga pina-dinemolish na tahungan ng Navotas LGU.
Kailangang itigil ang reklamasyon, at bigyan ng hustisya at kompensasyon ang mga biktimang apektado ng kalamidad nito,” pahayag ni Ronnel Arambulo, vice chairperson ng Pamalakaya at 2025 senatorial candidate, ukol sa pagsingil ng mga mangingisda at tanggol-kalikasan sa San Miguel Corporation (SMC) na nagdulot sa kanilang hanay ng labis na kahirapan.
Ang SMC, kakampi ang lokal na pamahalaan sa ilalim ng pamumuno ni Mayor John Rey Tiangco ang nagdemolish sa kabuhayan ng mga magtatahong ng Navotas.
